شكلك بيكون عامل إزاي بعد ما بتخرج من علاقة متوفقتش فيها ؟
لما
بتنهار من إنتهاء علاقة وبتخاف تدخل في علاقات تانية غالبا دي بتكون لمبة
حمرا بتشاور إن ذاتك المجروحة والملتهبة هي اللي كانت محور العلاقة طوال
الوقت، فلما إتسابت أغلب الظن بيكون السبب الأكبر ورا ألمك هو شعورك إنك
مرفوض ومش مقبول أو إنك متستاهلش تتحب.
لكن تخيل كدا لما توصل لمرحلة إنك لما تخسر علاقة (طبعا بتمر بمشاعر حزن ) لكن لا بتنهار ولا بتكتئب ولا بتقفل على نفسك خايف عليها احسن تتجرح تاني .. بالعكس ..بتكون وقود ودافع ليك إنك تشوف إيه جديد ممكن تصلحه ف نفسك او تشتغل عليه عشان تكون أقرب لنفسك وتكون علاقة صح في المرة اللي بعديها ?! إحساس جميل ..مش كدا ?
لكن تخيل كدا لما توصل لمرحلة إنك لما تخسر علاقة (طبعا بتمر بمشاعر حزن ) لكن لا بتنهار ولا بتكتئب ولا بتقفل على نفسك خايف عليها احسن تتجرح تاني .. بالعكس ..بتكون وقود ودافع ليك إنك تشوف إيه جديد ممكن تصلحه ف نفسك او تشتغل عليه عشان تكون أقرب لنفسك وتكون علاقة صح في المرة اللي بعديها ?! إحساس جميل ..مش كدا ?
دا مش بيحصل غير لما ذاتك تكون غرقانة وشبعانة بحب حقيقي .. وشاعرة إنها مقبولة ومحبوبة زي ما هي .. والمحبة الوحيدة الحقيقية اللي ممكن تسندك وسط أزمات إنهاء علاقات هي محبة الله ليك .. فتلاقي شئ غريب بيحصل فيك لما بتتعلم إزاي تستقبل حب الله ليك ..حبه لشخصك ولذاتك مش لأعمالك أو لإنجازاتك .. محبة ثابته مش بتتغير .. محبة بتدفي قلبك وتخليه بيكبر ويوسع .. محبة تخليك حاسس إنك واقف على أرض صلبه .. مش بتنهار مع دخول وخروج رجلين من حياتك.
وعشان تستقبل حب ربنا صح في قلبك بتحتاج أكيد تقطع معاه شوط ف سكة تعافي يتشفي فيها قلبك من أي صورة مشوهة عن نفسك نتيجة تربية كان فيها قصور ..أو نتيجة علاقات كان فيها إستغلال او إساءات، أو مفاهيم مغلوطة عن الحياة عموما نتيجة أي ظروف مريت بيها.
وصلت لحالة قفلت فيها على نفسك ? خايف من علاقات جديدة? متشكك ف محبة ومش قادر تصدق إنه بيحبك ? شايف الناس كلها غدارة ومفيش حد كويس ? معندكش طاقة إنك تعافر وتحاول في علاقاتك الحالية?
من فضلك لا تتردد إنك تطلب بكل إجتهاد مساعدة من ناس متخصصة هتتفهم ألمك وهترافقك في النفق المظلم اللي إنت بتمر بيه لغاية ما تعدي منه وتقف من جديد على رجليك... ففي أوقات كتيرة بتكون إستجابة الله لصلواتك وآناتك هي الذهاب وسط مجتمع بيتعافى فبيكون مثل القوة الخارجية (يد الله) التي تنتشلك من وحلك ومن حفرتك.
وليكن الرب معك ومعي ومعنا جميعا
#حب #شفاء #تعافي #معافرة #مساندة #أمل #رجاء #علاقات #مجتمع
No comments:
Post a Comment