ما هو الحب ?
موضوع هحب أكتب عنه خواطري الفترة اللي جاية ..
هيكون محتوى الموضوع دايما بيشمل:
1- تعريف المحبة الحقيقية
2- مثال عملي من حياتنا
3- وقفة مع نفسك: عبارات ختامية تحتاج قوة وامانة منك لتقبل تحدي تلك العبارات لوضعك الحالي
💗الحب (الفرق بين الحب الحقيقي والحب المزيف) 💗
مفيش حد فينا مش محتاج يحب ويتحب .. وسبب كل المشاكل والتعب اللي ف حياتنا هي لما بنمشي من غير بنزين او نحط بنزين مغشوش في الخزان بتاعنا .. يعني لما يكون خزان الحب بتاعنا فاضي أو مليان بحب مزيف.
وهو فيه حب حقيقي وحب مزيف ?🤔
ايوه .. والحب المزيف هو مش حب على الإطلاق ..لكن للاسف أطلقوا عليه كلمة حب فشوهوا معنى الكلمة الحقيقي
طب ايه الفرق ما بينهم?
أول فكرة هشارك بيها النهاردة ..إن الحب الحقيقي بيحتاج مجهود كبير وبذل وتضحية .. أساسه ان الشخص اللي بيحب مش بيفكر في راحته وسعادته الشخصية ، لكن في راحة وسعادة وخير الشخص اللي بيحبه، ودا طبعا شئ مش سهل ..لكنه محتاج شغل وألم ومجهود كبير.
🗯مثال: ذقت طعم محبة الأم المحبة والباذلة لاولادها واللي بتعمل مجهود جبار وضخم عشان سعادة وخير اولادها?. لو تذوقتها تبقى ذقت طعم حب حقيقي. ولو لم تذقه (لان مش كل الامهات للاسف بتحب بشكل سليم )، يبقى حاول وإنت بتقيم علاقاتك إنك تفتكر أول معنى من معاني الحب الحقيقي اللي ذكرناه فوق ...
وقفة مع نفسك🤚🏻
*لو بتقول لحد انك بتحبه وانت مش ناوي تتعب أوتضحي عشان محبوبك، تبقى مش بتحبه محبة حقيقية
* لو حد بيقولك انه بيحبك وهو مش ناوي يتعب ويقدم اي تضحيات عشانك ..للاسف يبقى مش بيحبك محبة حقيقية
?? ليه الحب الحقيقي لازم يكون فيه مجهود وألم??
No comments:
Post a Comment