كورونا ولا مكرونة !!

هل معنى كدا إن اللي بيحصل بيفوق ناس كتيرة وزي ما ناس بتكتب بيخليهم يتوبوا ؟!

الحقيقة إنه للأسف لأ !!

للأسف في طبيعتنا البشرية الساقطة خدعة رهيبة بتخلي الإنسان وسط الكوارث والأزمات ينام أكتر .. يهرب لأسفل السفينة وينام نووووم عميق زي ما نام يونان لما هرب من دعوة الرب ليه ..

هيحط السماعات على ودانه ويعلي الصوت وينام أكتر

هتشغل التليفزيون على مسلسلات حب وتنام أكتر

هيشرب ويعلي المزاج عشان ينام أكتر

هتفضل تتخانق مع زوجها وتعامله بعف وقسوة وتنام أكتر

هيغرق في قلقه وتحليله للي بيحصل حواليه وهينام أكتر

هتطير وتحلم مع حبيبها بعش الزوجية وهيناموا أكتر

وفجأة ييجي العريس السماوي .. وللأسف إللي نام مش هيقدر ياخد من سهر ولا من تعب ولا من إيمان إللي سهر .. لأن دا الوقت إللي فيه كل واحد هيذوق من إللي حوشه طوال سنين حياته إللي فاتت .. 

فلو حوشت فراغ هتذوق للأسف مرارة 

ولو حوشت إيمان وخبرات حياتية بتغذي الإيمان دا وتخليه حي هتذوق حلاوة

زي ما النار بتسلق المكرونة ... في زمن الكورونا النار بتكشف عمل كل واحد (نار الوحدة ..العزلة ..الملل.. الأحلام المؤجلة...إلخ) 

ربنا يرحمنا جميعا وينجينا من خداعنا لنفسنا .. ويسند كل واحد في إيمانه عشان يصمد ويحوش حاجات تساعده في أزمته الحالية وفي أبديته

~ خواطر من قلب متغرب ~

@ Jackie.Y.G