خلي ‏بالك ‏من ‏زيزي ‏-١

رغم إني لسه مشفتش مسلسل #خلي_بالك_من_زيزي...بس واضح كمية تأثر الناس بالمسلسل و مبسوطة بالتعليقات اللي بتوضح إن فيه نور بيوصل لشريحة أكبر من الناس من خلال عمل فني بيساعد على كسر الخزي المجتمعي بخصوص الإضطرابات النفسية والعقلية ... واللي جزء من سببها هو طريقة التربية أو طريقة التعامل داخل كل بيت ..واللي أتصور أن مفيش بيت مفيهاش ثغرة ما أو خلل ما..دا غير صدمات الحياة .. فطبيعي إننا نتأثر بظروف حياتنا المختلفة كبشر... 

وسأكرر تنويهي مرة أخرى إن الاضطرابات دي زادت جدا في الفترة الأخيرة نتيجة اولا: عدم إعتراف الأهل بوجود مشاكل (إحنا زي الفل. أو احسن من غيرنا ..دعونا نتألم في صمت!!) وثانيا: بسبب ظروف جائحة كورونا ..واللي الإحصائيات بتشير أنها فجرت تلك الاضطرابات التي لم يتم التعامل معها سابقا، بالإضافة لإضطرابات جديدة نتيجة طبيعة ظروف المرض والعزل والتباعد وموت الأحباء

 والحقيقة دا اللي كنت بحاول أقوله لكثيرين منكم بما إني في مجال المشورة والمساعدة النفسية .. فزيزي وشخصيات المسلسل حوالينا في كل حتة بأشكالها المختلفة... ومنهم إحنا نفسنا

 

ولغاية ما أتشرف بمشاهدته .. أحب أقولكم بس خلي بالكم من كام حاجة سريعة:

١- إوعى يكون تأثرك بالمسلسل تأثر وقتي .. لكن حاول تطبق في حياتك اللي لمسك وفرق معاك ..

٢- لا يقلل ولا ينتقص منك أبدا أن تذهب لمقابلة مشير نفسي / أخصائي نفسي لدعمك في رحلتك (بس إسأل الأول عن ناس موثوق فيها وإنتقي ..وهحط بالأسفل لينكات الأماكن التي أثق في التعامل معها) ..لا تنتظر لغاية ما حياتك تتدمر .. (وزي ما كتير بنوه متروحش على طول لطبيب نفسي لان الطبيب بيعالج أكثر خلل في كيمياء المخ ..والتي تحدث مع إضطرابات مثل الإكتئاب والهلاوس و بعض حالات نوبات الهلع . إلخ ..إلا لو كان عامل دراسات أخرى عن المشورة والعلاج النفسي بالإضافة لدراساته في كلية الطب)

٣- إوعى تمشي تحلل نفسك أو تحلل الناس وتقول أنا او فلان عنده ADHD.. التشخيص دا يرجع لناس متخصصة وبناء على معايير محطوطة في دليل إسمه "الدليل التشخيصي والإحصائي للأمراض العقلية" لأن فيه اعراض كتيرة متشابهة واللي بيفصل ما بينهم الدليل دا .. واللي إتكلمت عنه في أخر ڤيديو ليا

https://youtu.be/wNb3RBQh2lQ

٤- درب نفسك إنك تشوف اللي ورا إضطراب الناس .. الحاجات الحلوة اللي فيهم. والسبب ورا تصرفاتهم الغير مقبولة والغير منطقية أحيانا . ودا هيساعدنا جدا نستعيد جزء مهم من إنسانيتنا إتداس عليها مع الوقت إسمه: التعاطف والذكاء الوجداني... واللي بينهض بأي مجتمعات متحضرة..مع الوضع فى الاعتبار أنك من حقك تحط مسافات تحميك من اللي إضطراباتهم ممكن تؤذيك.

٥- مش دور حضرتك أبدا عشان إتحمست من المسلسل وزادت عندك جرعة الادرينالين انك لما تروح تقرالك كام كتاب نفسي تروح بقى تعالج الناس وتلعب أخصائي أو دكتور نفسي ... لأ .. دا مش دورك .. لأننا عشان نقدر نبدأ في مساعدة الناس لازم تدريب عملي في مكان محترم تحت وجود مشرف Supervisor محترم إلى جانب كمية الدراسات والمذاكرة اللي بيمتدوا لسنوات وسنوات بردو من أماكن محترمة !

لينكات لأماكن ممكن تساعدك إنك تنمو فيها نفسيا وتتثقف أكثر:

1- بيت المشورة 

https://www.facebook.com/almashoura/

٢- مؤسسة الحياة 

https://www.facebook.com/Al7ayatOrganization/

٣- The Community (TC Egypt)

بها مجموعات للتغلب على الإدمانات المختلفة و أيضا مشيرين

https://www.facebook.com/tc.eg.org/

٤- مؤسسة الرخاوي 

https://www.facebook.com/rakhawey/

زي لما بتروح لدكتور لشوية تعب في جسمك . .نفسيتك ليها عليك حق لأنها بردو هطلعوا على جسمك 

دمتم حقيقيين وقدام الإضطرابات معترفين والشفاء باحثين.

@ Jackie Y.G.I