عن الفقد والخسارة_4


#عن_الفقد_والخسارة_4

دا خلاط المشروبات بتاعي ..
أخويا كان عنده واحد زيه في بيت بابا وماما وكان من ضمن الحاجات اللي إتلطشت (إتسرقت) من الملائكة الساقطة اللي كانوا بيمرضوا ماما وقت تعبها ..تخيلوا !! 😏

المهم، بتاعي كان عطلان من سنين ومكسلة أصلحه، لكن قلت يالا خلينا نهم فإديته لبابا لأنه يعرف حد ممكن يصلحه، معرفش ربنا رتب إزاي البواب كان عند بابا بيديله حاجات راح جرب الخلاط قاله دا شغال وكويس وزي الفل !!

شغال وكويس ؟! دا أنا وجوزي جربناه من سنين على كذا فيشة وإتأكدنا إنه خلاص لا حس ولا خبر !!

أومال ايه بقى الخبر ؟! وليه بشارك بدا ؟!
أقولكم ..
الخبر اني لما اتضايقت من معرفتي بالسرقة طلبت من ربنا يتولى هو موضوع الحاجات اللي اتسرقت دي ... وهو اللي ليه صرفة مع الحرامية اللي إبليس موت ضميرهم واللي بسرقتهم هما للأسف بيسجنوا نفسهم أكتر وأكتر في حبس شيطاني مروع معذب بالفعل حياتهم ومبهدلهم في عيشتهم .. مشاكل مع إجوازهم وعيالهم، أو رابطهم بالخوف وبالعوز الدائم وبلاوي سودة .. ❌ فأنا مش محتاجة أدعي عليهم ولا أطلب إنتقام لأن بالفعل إبليس قايم بالواجب وزيادة عشر حبات 😈 وأنا الحقيقي بتمنى ليهم يتوبوا عشان ميكملوش في جحيم أبدي لما روحهم تفارق جسدهم.

طب واللي كانوا في نار التجربة ؟! (إحنا يعني)
ربنا بيعضونا بطرق مختلفة، زي إني بدل ما أدفع ٨٠٠ جنيه ولا أكتر في تصليح موتور الخلاط، لقيته اشتغل .. ودا مش مجرد لغبطة ولا صدفة .. لأ NO، دي حركة بسيطة لكن عميقة ومتتفوتش من إلهي بيقولي فيها : "أنا مهتم حتى بالحاجات اللي تبدو تافهة لكن هي ليا مش تافهة لأنها تخصك وحبيت أبسطك بالمفجأة دي اللي عارف انها مش هتفوتك"، ويمكن كمان تكون لافتة من مامي حبيبتي لأنها في مواقف كنا خايفين منها طلبنا مساعدتها فيها وفعلاً تدخلت وساعدتنا عشان تقول إنها معانا ❤️

ليه كمان بشارك؟!
لأني بشوف أنه مينفعش أفصل بين الصحة النفسية وبين الإيمان (مقصدش الإيمان بدين معين، لكن المعتقدات الخفية (بغض النظر عن نوع الديانة) و اللي بنبني طريقة نظرتنا للأمور وللتجارب اللي بنمر بيها في حياتنا) ، ودا لأن الإيمان الصحي بيعزز وبيحصن الصحة العقلية، بدون الإيمان أنا مش هشوف غير العالم الساقط اللي احنا عايشين فيه دا، الحرامية والنصابين والمجرمين والمسيئين .. قلبي كان هيبقى مليان بالمرارة و الكراهية والغضب الغير صحي (لأن فيه غضب صحي) والرغبة في الإنتقام وأمور أخرى كتير أؤكد ليكم إنها بتسبب أمراض نفسية بل وعضوية !!
أيوة .. زي ما قريتوا كدا: أمراض #نفسية و #عضوية !!
بيقولوا عليها نفسجسمية psychosomatic، لكن انا كمان أحب أضيف و أطلق عليها: روحية ونفسجسمية 
Spiritual and psychosomatic

تعرف إزاي أن ايمانك صحي؟
الإيمان الصحي هتلاقيه بيشتغل في إتجاهين:
أ) جواك Inside: يجعل كل شئ متناسق وفي تناغم لما يساعد انك تسكت أصوات الشر اللي عاوزاك تمشي زي ما أغلب الناس ماشية !!
ب) براك Outside: يجذب ليك بركات وتشوف معجزات ، كإنعكاس للمعجزة الأكبر اللي حصلت جواك ، وهي تغلبك على ذاتك Ego! ذاتك اللي كان نفسها تشهر وتنتقم!!

دا مش محاولة مني عشان أقنع أي حد بيقرأ كلامي بمعتقدات معينة أنا بشارك بيها، لكن الحقيقة هدف مشاركتي:
١) يمكن يوصل لحد من الملائكة الساقطين دول فيحثهم يتوبوا قبل ما يفوت الأوان !
٢) عشان أنا ممتنة للي حصل وعشان أشهد بثقتي إننا مش مجرد ضحية لإيدين الناس والمجرمين اللي بنعيش وسطيهم، فحبيت أشارك بحاجة يمكن تشجع أخرين، وحاول تصدقني أن إيمانك يقدر يغير وضعك ويغير المشهد!

٣) عشان أدعوك و أدعوكي تفحصوا المعتقدات اللي بتبنوا عليها أفكاركم ومشاعركم وتصرفاتكم ..لو فيه معتقدات بتولد مرارة bitterness ، بتولد سرقة (ايا كان نوع السرقة ..مش بس فلوس أو أمور مادية لكن حتى إنجاز مش بتاعك) أشجعكم تعيدوا التفكير في المعتقدات دي قبل ما تدفنكم وإنتم لسه فيكم نفس !!

٤) وعشان احنا مسؤولين باختياراتنا وقرراتنا إننا ننشر إما جو مليان بالخير ، أو جو مليان بالشر، واعتقد الواقع اللي احنا عايشين فيه دلوقتي موضح كل حاجه !!

دمتم متباركين وللبركات والعناية الإلهية اليومية ملاحظين 🌻🌺



 

Posted by No comments:

عن الفقد والخسارة_٣

 

English translation below 👇🏻

في حزن الفقد والخسارة، قد تشعر وكأن هناك فجوة في قلبك، أو كأن قلبك كله مشتعل باستمرار لدرجة أنه يؤلم بشدة. لا بأس، فهذا طبيعي. لا تفزع. لست مضطرًا إلى معرفة كل الإجابات الآن، أو إلى أن تفهم تمامًا كيف ستتعايش مع هذه الفجوة أو كيف ستطفئ هذه النار. لا تتعجل في الهروب منها، ولا تحاول ملأها بأي شيء سطحي، فالجروح العميقة لا يمكن شفاؤها بأشياء سطحية. (قد تساعدك بعض الملهيات لفترة، لكنها لا تشفي.)

فقط امشِ خطوة بخطوة، أو حتى إزحف؛ لا يهم. خذ وتيرتك الخاصة. ربما في يوم من الأيام ستكتشف أن هذه الفجوة هي المكان المقدس الذي سيأتي إليه الإله ويلمسه، بل وحتى ليملأه بنور قوي ولمسة حانية يمكنها أن تدعم فجوات الآخرين أيضًا. أو ربما ستدرك يومًا أن هذا الشعور بالنار يحوّل قلبك ويوسّعه حتى يصبح قادرًا على الشعور بالحب القوي الفائض وليس فقط الألم.

الألم حقيقي، وكذلك الحب. الجروح حقيقية، وكذلك الشفاء. فقط خطوة صغيرة في كل مرة.

In grief and loss, it feels as if there's a hole in your heart, or as if your whole heart is on constant fire that it aches so much. That's okay and that's normal. Don't panic. You don't have to have all the answers now, or figure out completely how you're going to live with this hole or how to quench this fire. Don't rush to escape it, and don't try to fill it with anything superficial, as deep wounds cannot be healed with superficial things.
(Distractions can help for a while, but they do not heal)

Just walk step by step, or even crawl; it doesn't matter. Take your own pace. Maybe one day you'll find out that this hole is the sacred place for the divine to come and touch, and even fill with a strong light with tender touch that can support others' holes as well. Or maybe one day you will discover that this sense of fire is transforming and enlarging your heart until it feels powerful & pouring love and not just pain.

Pain is real, and so is love. Wounds are real, and so is healing. 
Just one baby step at a time.


Posted by No comments:

عن الفقد والخسارة_٢

 


كنت هتصل بيها أقولها زي ما إتعودت أنكشها:
"مامي .. بتمطر عندك زي ما بتمطر عندي ؟! 😁" لكن للحظة إفتكرت إنها مش معايا بالجسد .. لكن كملت كلام معاها بالروح

دا مش جنون ولا أنت/ي بتخسر/ي عقلك
دي ملامح طبيعية من ملامح مراحل المرور بالفقد .. العلماء بيقوله إنها مشابهه للوالدين اللي عندهم طفل جديد فيما يعرف ب Baby brain .. أي وكأن المخ بقى أد مخ طفل لأنه فعلاً بيحصل تغييرات تشريحيه بتحصل في الحالتين: حالة الوالدين الجدد و حالة المحزون Bereaved الذي يمر بالفقد ، مع إختلاف إن الظرف الأول حدث مفرح وفي الثاني حدث حزين، من ضمن هذه التغييرات:
١- تغيير مؤقت في القشره الجبهيه Prefrontal cortex واللي بيساعد على التركيز وعلى أخذ القرارات وعلى التفكير بأسلوب منطقي وذلك لأن المخ الإنفعالي بيكون واخد حيز أكبر لأن المشاعر بتكون كبيره جدا ومستثارة مع الوضع الجديد، ففي حالة الوالدين الجدد ده بيساعدهم انهم ميركزوش في أي حاجه غير انهم يكونوا رابط عاطفي مع الطفل Bond /attachment ، بينما في حالة المحزون بتكون المشاعر حوالين فقد هذا الرابط Loss of Bond /attachment

٢- نتيجة النقطه الأولى؛ بيحدث نوع من الخلل في القدرة على التركيز في التفاصيل و القدرة على التذكر بنسب مختلفة، وكأنه هناك ضباب على الذهن Brain fog (مثلما حدث معي وكأني للحظة نسيت أن ماما مش موجودة بالجسد anymore )

٣- تغيير في التوازن الهرموني، فأيضاً نتيجة النقطه الأولى وهي: إما تكوين رابط مع الطفل والأعباء والضغوط الرهيبه في رعاية هذا الطفل الجديد، و إما خساره هذا الرابط مع المفقود (الذي يشكل عبء نفسي تتفاوت شدته حسب عدة أمور في الشخص المحزون مثل: طريقة تناوله لموضوع الفقد في حياته عموماً ، طبيعة العلاقة مع المنتقل، وجود دوائر دعم أم لا،.. وعدة أمور أخرى) .. كل هذا يسبب زياده نسبه الكورتيزول Cortisol (هرمون التعامل مع الضغوط) .. و إختلاف في نسبة هرمون الأوكسيتوسين Oxytocin (هرمون الحب والترابط،ووالذي يزيد في الوالدين الجدد بينما يحدث له نوع من الخلل والتناقص في حالة المحزون).

هل ده معناه ان الشخص المحزون مش هيعرف يعيش حياته طبيعي من تاني؟!
طريقة تناولنا للفقد مختلفه بإختلاف بصمات أصابعنا، وده راجع لحاجات كثيره جدا زي: تكوين الشخصيه ، وسائل الدعم ، التركيب النفسي، طريقة تناول المواقف السابقة في الحياة..وعدة عوامل أخرى، فكلمة #طبيعي هنا محتاجة إعادة تعريف لأن إيه هو الطبيعي ؟! ⁉️ وبحسب مين ؟ بحسب حياتك قبل الفقد ؟ ولا بحسب فلان اللي عدى بالفقد ؟! مفيش شكل طبيعي واحد ...

فبالنسبه لي انا عارفه انه حياتي اختلفت من بعد ما فقدت ماما ومش هترجع زي الطبيعي المعتاد بتاع قبل فقدها، لكن الطبيعي بتاعي دلوقتي هو إني ماشيه يوم بيوم بطبق كل اللي درسته واللي بستخدمه مع العملاء مع نفسي Walking the talk، وده مخليني قادره ان انا أكون بشتغل وبرجع للجلسات #بالتدريج Gradual، بنسبه صحيح أقل من الأول .. لكنها مناسبه مع وضعي الآن عشان أقدر أكون متواجدة بالكامل داخل الجلسة وأستخدم ألمي لمساعدة شخص أخر متألم #بدون ما أفقد عنايتي بنفسي أو أفقد تواصلي مع نفسي ومع ألمي.
(وده بردو فيه تحدى لفكره في أذهان بعض الناس إنه لو كملنا حياتنا دا يعتبر خيانه للشخص المفقود، وكأن لازم حياتنا تتوقف ونصير في حاله شلل كامل كأنه علامة تأكيد ودليل على مدى حبنا وتعلقنا للمفقود، ودي فكرة مغلوطة يمكن أكتب عنها في مره ثانيه)

📌ملخص:
👈🏻النسيان وعدم التركيز أوقات أو لحظات من يومك: أمر طبيعي 🤯
👈🏻 الشعور (ولو للحظة ) أن الدنيا كلها رعد وبرق ومطر وساقعة (أقصد جواك): أمر طبيعي ❄️🥶
👈🏻 إنك تعيط فجأة أو مشاعرك ككوكتيل تستثار بسهولة الوقت دا طبيعي (طبعا مش مبرر انك تغلط أو تجرح في حد، لكن بيفرق وجود ناس بتقدر وتعدي لما تغلط زي اي بني أدم طبيعي) 🥹😧🤐😓😢😡

👈🏻 الطبيعي هو الطبيعي بتاعك دلوقتي في الرحلة بتاعة دلوقتي ..ملكش دعوة بالطبيعي بتاع أي حد تاني

👈🏻عن خبرة (تتفق أو تختلف معي) عبور المرحلة دي من غير روح يقظة متواصله مع الإله هيكون أصعب جدا جدا..مش بقول أن التواصل الروحي بيخفف الألم، لكن فعلا بيسند وبيعزي مع الألم لأن موضوع الفقد في حد ذاته أبعد وأكبر من أنه يكون قضية نفسية فقط.

ربنا يسندنا جميعاً ❤️🌹

#grief #loss #griefsupport #support #awarness #community
Posted by No comments:
Subscribe to: Posts (Atom)