تحت ‏الإنشاء

وأنا راجعة من شغلي النهاردة وفي أقصر وأسرع كنت باخده لبيتي كان فيه أعمال بناء #كوبري بقالها فترة شغالة.. وطبعا دا معناه إن الطريق واقف .. الشارع بقى ضيق جدا ومخنوق .. وطبعا وقت رجوعي للبيت بقى أطول 😏

وكنت كل مرة أنزل كنت أقول: هما بيشتغلوا بسرعة وهيخلصوه ..أكيد المرادي هلاقي الطريق بقى أفضل، لكن الحقيقية كنت بلاقيه زي ما هو .. بل يمكن أصعب وأضيق! 😓

طبعا مشاعر ضيق وإشتياق إن الكوبري يشتغل ويبقى الطريق سريع زي بقية الكباري اللي خلصت ... لكني كمان لفت نظري أوي وفضلت أبص على المعدات والألات الضخمة اللي بيستخدموها ... الحفر والتأسيس وملامح الكوبري وهي بتبان وعمال يعلى لفوق .. ودا تزامن مع قرايات ليا النهاردة بتتكلم عن "#تحت #الإنشاء" .. وإن إزاي الله بيشتغل على كل واحد فينا في رحلة حياته عشان يؤسسه ويرسخه ويثبته ويطلع بيه لفوق ... 

"وَأَمَّا الرَّبُّ فَهُوَ الرُّوحُ، وَحَيْثُ #رُوحُ الرَّبِّ هُنَاكَ #حُرِّيَّةٌ. .... #نَتَغَيَّرُ إِلَى تِلْكَ الصُّورَةِ عَيْنِهَا، مِنْ #مَجْدٍ إِلَى مَجْدٍ، كَمَا مِنَ الرَّبِّ الرُّوحِ./ 2 كو 17:3-18"

👈 تعبت من أحمال معينة شايلها ونفسك بقى ترتاح وتفرح?

👈 نفسك الظروف تتحسن و ترجع تشوف أي أمل ?

👈 مستحملة جوزك بقاله كتير لكنه مش بيتغير وكأن ربنا مش سامع لصلواتك ليه ? 

👈 تعبت من الوحدة ونفسك تلاقي حد يفهمك ?

👈 تعبت وتعبتي من إنكم تدوروا على شريك حياة مناسب في الزمن ال... دا !! وكأنك بتدور على إبرة في كوم قش?

👈 تعبت من كتر الحاجات الكتيرة اللي بتشتغل بيها على نفسك وسكة تعافيك وكل ما تتقدم خطوة تلاقي حلجات تانية كتيرة بتطلعلك وكأنك هتفضل تعبان على طول?

👈 تعبتي من ولادك رغم إنك بتحبيهم لكن نفسك تشوفيهم في وضع أحسن ?

👈 تعبت .. تعبت ..تعبت من حاجات كتيرة شكلها وكأنها ملهاش أخر ?!

إفتكر / إفتكري :

#كلنا #تحت #الإنشاء .. إنت والأخر ... 

خلينا نتعلم نرفع راسنا لفوق ونركز عيوننا على الصورة النهائية .. مش بس ع التفاصيل .. ونصلي مصدقين إن كل ظروفنا ومشاريعنا المستقبلية تحت إيدين أكبر وأشطر #مهندس يقدر (لو سلمنا فعلا ليه حياتنا) إنه #يصمم و #يرمم كل حاجة ف حياتنا .. وهيساعدنا في التنفيذ... 

وإفتكر كمان إن أهم هدف في وسط كل ظروفك إن إنسانك الجديد يتغير من جوه عشام يصير شبه الرب يسوع .. وتأكد إن يسوع مش بيفشل في اللي بيعمله 

لو عايز تصلي الصلاة دي:

يا الله العظيم انت قدوس انا بدون نعمتك لست شيئا. أنت الإله و ليس أنا. أنت مبجل و ليس أنا. و لكن بفضل يسوع و بفضل عمل الروح القدس بداخلي فانني أتغير لأكون شبه يسوع كل يوم. لذلك اخضع ارادتي و اقدم ذاتي لتستخدمني من أجل مجدك و لكي أتشكل لأكون مثل يسوع أكثر. باسم يسوع اصلي. آمين.
(صلاة مقتبسة)

#Under_Construction